Сакинат Рамазанова - Родина Агулов гимн

Рагъ Къафкъаздил даркуни
Аллагь тагIлай кьасусттан.
Агъул-дерейн гIашкъуни
Ирхай айя Дагъусттан!

Исал дерейъ ахсарс
Фи ачух а манзилар?!
Темпел да агьуларис
Фаттахъун а къизилар

Аи дере, Магъу-дере,
Суварис сарин дере
Аи дере, агъул-дере,
Дусттарис ухьтан дере!

Душманарин ибхIяли
Хараб акьунде ватан,
Сачма акьай угъали,
Улер хъай, бяйя ухьтан.

Хье ватандин суварин
Арсар угъаф кIиларил!
Чаркквар ухIя баварин
Къизил лихьас хиларил!

Аи дере, Магъу-дере,
Суварис сарин дере
Аи дере, агъул-дере,
Дусттарис ухьтан дере!

Агъул-дерейин хьед ругъун,
Са хIуп акьас хьасттагьан?
Гьар сайин къапуй рукьун,
Жаннатиъ хае хьасттагьан?

ХIазур ухь ухIяс агьул,
Жигар айчин ве жандиъ.
Хьял гIайиб, нагIна, нагъул
Аларкьучин дакканди

Аи дере, Магъу-дере,
Суварис сарин дере
Аи дере, агъул-дере,
Дусттарис ухьтан дере!

Акьучин хьеш хIаракат,
Хье къалин хьасе баракат
Ла Илаха Иллалах МухIаммад расулуллагь