марьям казиева - САБУРЛУ ДИШАГЬЛИ

Му дюн"яйиина гъюрайи дишагьли,
Валлагь, лайикь ву бахтназ.
Дилигди фицир вуш - жигьил, ясан агьли,
Дубхьну ккун бахт дугъаз.

Му жикъи уьмриъ дердер а дугъаз,
Му жикъи уьмриъ аьзаб ка дугъаз.
Веледдин гьарган гъайгъу ка дугъаз,
Хизандин гьарган фикир ка дугъаз.

К1ван гьарай вардариз ашкар ап1ураза,
Аьзиз Аллагь увуз миннат ап1ураза!
Яраби мягьрум мап1ан,
Дишагьли бахтсуз мап1ан,
Гьаммишан ккилигурай умуд макадабт1ан.

Архаинвал дарди гъябгъюра уьмур,
Ляхниз кьимат адарди,
Гъап1ундарва к1ул ис, авуз аьхю сабур,
САБУРЛУ ДИШАГЬЛИ.

Му жикъи уьмриъ дердер а дугъаз,
Му жикъи уьмриъ аьзаб ка дугъаз.
Веледдин гьарган гъайгъу ка дугъаз,
Хизандин гьарган фикир ка дугъаз.

К1ван гьарай вардариз ашкар ап1ураза,
Аьзиз Аллагь увуз миннат ап1ураза!
Яраби мягьрум мап1ан,
Дишагьли бахтсуз мап1ан,
Гьаммишан ккилигурай умуд макадабт1ан.